काठमाडौं । गङ्गामाया अधिकारीको जीवन रक्षा गर्न राष्ट्रिय मानव अधिकार आयोगले सरकारलाई निर्देशन दिएको छ ।
आयोगको मंगलबार बसेको बैठकले छोरा कृष्णप्रसाद अधिकारीको हत्यामा संलग्न दोषीमाथी कारवाहीको माग राखी लामो समयदेखि अनसनरत अधिकारीको जीवन रक्षा गर्न आयोगले ३ बुँदे निर्देशन दिएको हो ।
जसमा आयोगको उच्चस्तरीय अनुगमनबाट गङ्गामाया अधिकारीको स्वास्थ्य अवस्था गम्भीर हुदैँ गएको पाइएको भन्दै आयोगले उनको उपचारको लागि आवश्यक विशेष व्यवस्था मिलाउन निर्देशन दिएको छ ।
आयोगले गङ्गामाया अधिकारीको जीवन रक्षाको लागि न्यायको अनुभूति हुने गरी मानव अधिकारकर्मी सहितको उच्चस्तरीय कार्यदल गठन गरी यथाशीघ्र आवश्यक र उपयुक्त कदम चाल्न निर्देशन दिएको छ ।
